Psalms 111 – The Works of the LORD
An acrostic-style hymn praising God's works, covenant, and wisdom-giving fear.
Following the messianic hope of Psalms 110, this psalm praises the works of the LORD as 'great, sought out of all them that have pleasure therein,' from redemption to his lasting covenant.
The `title of the hundrid and enleuenthe salm. Alleluya. Blissid is the man that dredith the Lord; he schal wilne ful myche in hise comaundementis.
His seed schal be myyti in erthe; the generacioun of riytful men schal be blessid.
Glorie and richessis ben in his hous; and his riytfulnesse dwellith in to the world of world.
Liyt is risun vp in derknessis to riytful men; the Lord is merciful in wille, and a merciful doere, and riytful.
The man is merye, that doith merci, and leeneth; he disposith hise wordis in dom;
for he schal not be moued with outen ende.
A iust man schal be in euerlastinge mynde; he schal not drede of an yuel heryng. His herte is redi for to hope in the Lord;
his herte is confermed, he schal not be moued, til he dispise hise enemyes.
He spredde abrood, he yaf to pore men; his riytwisnesse dwellith in to the world of world; his horn schal be reisid in glorie.
A synner schal se, and schal be wrooth; he schal gnaste with hise teeth, and schal faile; the desijr of synneris schal perische.