Psalms 110 – A Priest After Melchizedek's Order
David's short, messianic psalm naming a coming priest-king after Melchizedek's order.
Coming after David's plea in Psalms 109, this brief but pivotal psalm records the LORD's word to David's Lord, 'Sit thou at my right hand,' naming him a priest for ever after the order of Melchizedek.
The `title of the hundrid and tenthe salm. Alleluya. Lord, Y schal knouleche to thee in al myn herte; in the counsel and congregacioun of iust men.
The werkis of the Lord ben greete; souyt out in to alle hise willis.
His werk is knoulechyng and grete doyng; and his riytfulnesse dwellith in to the world of world.
The Lord merciful in wille, and a merciful doere, hath maad a mynde of hise merueilis;
he hath youe meete to men dredynge hym. He schal be myndeful of his testament in to the world;
he schal telle to his puple the vertu of hise werkis.
That he yyue to hem the eritage of folkis; the werkis of hise hondis ben treuthe and doom.
Alle hise comaundementis ben feithful, confermed in to the world of world; maad in treuthe and equite.
The Lord sente redempcioun to hys puple; he comaundide his testament with outen ende. His name is hooli and dreedful;
the bigynnyng of wisdom is the drede of the Lord. Good vndirstondyng is to alle that doen it; his preising dwellith in to the world of world.