Psalms 112 – Blessed Is the Man Who Fears the LORD
A companion psalm describing the steady, generous life of the one who fears God.
Matching the praise of God's works in Psalms 111, this psalm turns to the man who fears the LORD, describing him as gracious, full of compassion, and generous toward the poor.
The `title of the hundrid and twelfthe salm. Alleluya. Children, preise ye the Lord; preise ye the name of the Lord.
The name of the Lord be blessid; fro this tyme now and til in to the world.
Fro the risyng of the sunne til to the goyng doun; the name of the Lord is worthi to be preisid.
The Lord is hiy aboue alle folkis; and his glorie is aboue heuenes.
Who is as oure Lord God, that dwellith in hiye thingis;
and biholdith meke thingis in heuene and in erthe?
Reisynge a nedi man fro the erthe; and enhaunsinge a pore man fro drit.
That he sette hym with princes; with the princes of his puple.
Which makith a bareyn womman dwelle in the hous; a glad modir of sones.