Titus 2 - Teaching Godly Living Across Generations
Paul gives Titus practical instructions for older men, older women, the young, and servants.
Having addressed the qualifications for elders in Titus 1, Paul now speaks to the everyday household, instructing older men and women, younger women, young men, and servants each in the conduct that fits sound doctrine. He wants Titus himself to be a pattern of good works, showing uncorrupt teaching and sound speech that cannot be condemned.
But speke thou tho thingis that bisemen hoolsum teching;
that elde men be sobre, chast, prudent, hool in feith, in loue, and pacience;
also olde wymmen in hooli abite, not sclaundereris, not seruynge myche to wyn, wel techynge, that thei teche prudence.
Moneste thou yonge wymmen, that thei loue here hosebondis, that thei loue her children;
and that thei be prudent, chast, sobre, hauynge cure of the hous, benygne, suget to her hosebondis, that the word of God be not blasfemyd.
Also moneste thou yonge men, that thei be sobre.
In alle thingis yyue thi silf ensaumple of good werkis, in teching, in hoolnesse, in sadnesse.
An hoolsum word, and vnrepreuable; that he that is of the contrarie side, be aschamed, hauynge noon yuel thing to seie of you.
Moneste thou seruauntis to be suget to her lordis; in alle thingis plesinge, not ayenseiynge, not defraudynge,
but in alle thingis schewinge good feith, that thei onoure in alle thingis the doctryn of `God, oure sauyour.
For the grace of `God, oure sauyour,
hath apperid to alle men, and tauyte vs, that we forsake wickidnesse, and worldli desyris, lyue sobreli, and iustli, `and piteuousli in this world,
abidinge the blessid hope and the comyng of the glorie of the greet God, and of oure sauyour Jhesu Crist;
that yaf hym silf for vs, to ayenbie vs fro al wickidnesse, and make clene to hym silf a puple acceptable, and suere of good werkis.
Speke thou these thingis, and moneste thou, and repreue thou with al comaundement; no man dispise thee.