Revelation 15: The Seven Angels and the Seven Last Plagues
Victors over the beast sing the song of Moses and the Lamb beside a sea of glass mingled with fire.
Revelation 15 is the shortest chapter in the book, a brief but weighty scene between the harvest of Revelation 14 and the outpouring of wrath that follows. John sees seven angels holding the seven last plagues, and those who had refused the beast's mark standing beside a sea of glass mingled with fire, harps in hand.
And Y say another signe in heuene, greet and wondurful; seuene aungels hauynge `seuene the laste veniauncis, for the wraththe of God is endid in hem.
And Y say as a glasun see meynd with fier, and hem that ouercamen the beeste, and his ymage, and the noumbre of his name, stondynge aboue the glasun see, hauynge the harpis of God;
and syngynge the song of Moises, the seruaunt of God, and the song of the lomb, and seiden, Grete and wondurful ben thi werkis, Lord God almyyti; thi weies ben iust and trewe, Lord, kyng of worldis.
Lord, who schal not drede thee, and magnyfie thi name? for thou aloone art merciful; for alle folkis schulen come, and worschipe in thi siyt, for thi domes ben open.
And aftir these thingis Y say, and lo! the temple of the tabernacle of witnessyng was opened in heuene;
and seuene aungels hauynge seuene plagis, wenten out of the temple, and weren clothid with a stoon clene and white, and weren bifor gird with goldun girdlis about the brestis.
And oon of the foure beestis yaf to the seuene aungels seuene goldun viols, ful of the wraththe of God, that lyueth in to worldis of worldis.
And the temple was fillid with smooke of the majestee of God, and of the vertu of hym; and no man myyte entre in to the temple, til the seuene plagis of seuene angels weren endid.