Psalm 96 - Sing to the LORD a New Song
All creation, sea, field, and trees, is called to rejoice before the King.
Continuing the worship theme from Psalms 95, Psalm 96 broadens its call to 'all the earth,' urging that God's glory be declared 'among the heathen, his wonders among all people.'
The sixe and nyntithe salm. The Lord hath regned, the erthe make ful out ioye; many ilis be glad.
Cloude and derknesse in his cumpas; riytfulnesse and doom is amending of his seete.
Fier schal go bifore him; and schal enflawme hise enemyes in cumpas.
Hise leitis schyneden to the world; the erthe siy, and was moued.
Hillis as wax fletiden doun fro the face of the Lord; al erthe fro the face of the Lord.
Heuenes telden his riytfulnesse; and alle puplis sien his glorie.
Alle that worschipen sculptilis be schent, and thei that han glorie in her symelacris; alle ye aungels of the Lord, worschipe him.
Sion herde, and was glad, and the douytris of Juda maden ful out ioye; for `thi domes, Lord.
For thou, Lord, art the hiyeste on al erthe; thou art greetli enhaunsid ouere alle goddis.
Ye that louen the Lord, hate yuel; the Lord kepith the soulis of hise seyntis; he schal delyuer hem fro the hond of the synner.
Liyt is risun to the riytful man; and gladnesse to riytful men of herte.
Juste men, be ye glad in the Lord; and knouleche ye to the mynde of his halewyng.