Psalm 85 - A Prayer for Revival and Restored Mercy
Mercy and truth meet together in this prayer for national revival.
Psalm 85 begins by remembering how the LORD once forgave Israel's iniquity and turned back His anger, then turns that memory into a fresh plea: 'Wilt thou not revive us again?' It stands within the Psalms overview as a bridge between past mercy and present need.
The `title of the fyue and eiytetithe salm. The preier of Dauid. Lord, bowe doun thin eere, and here me; for Y am nedi and pore.
Kepe thou my lijf, for Y am holi; my God, make thou saaf thi seruaunt hopynge in thee.
Lord, haue thou merci on me, for Y criede al day to thee;
make thou glad the soule of thi seruaunt, for whi, Lord, Y haue reisid my soule to thee.
For thou, Lord, art swete and mylde; and of myche merci to alle men inwardli clepynge thee.
Lord, perseyue thou my preier with eeris; and yyue thou tente to the vois of my bisechyng.
In the dai of my tribulacioun Y criede to thee; for thou herdist me.
Lord, noon among goddis is lijk thee; and noon is euene to thi werkis.
Lord, alle folkis, whiche euere thou madist, schulen come, and worschipe bifore thee; and thei schulen glorifie thi name.
For thou art ful greet, and makinge merueils; thou art God aloone.
Lord, lede thou me forth in thi weie, and Y schal entre in thi treuthe; myn herte be glad, that it drede thi name.
Mi Lord God, Y schal knouleche to thee in al myn herte; and Y schal glorifie thi name withouten ende.
For thi merci is greet on me; and thou deliueridist my soule fro the lower helle.
God, wickid men han rise vp on me; and the synagoge of myyti men han souyt my lijf; and thei han not set forth thee in her siyt.
And thou, Lord God, doynge merci, and merciful; pacient, and of myche merci, and sothefast.
Biholde on me, and haue mercy on me, yyue thou the empire to thi child; and make thou saaf the sone of thin handmayden.
Make thou with me a signe in good, that thei se, that haten me, and be aschamed; for thou, Lord, hast helpid me, and hast coumfortid me.