Psalms 4: Trusting God Before Sleep
A quiet evening plea to trust the LORD over vanity.
Following the morning confidence of Psalms 3, this chapter is David's evening counterpart, asking God to hear his prayer and challenging others who chase vanity and lies instead of righteousness. He urges his hearers to be still, offer right sacrifices, and put their trust in the LORD.
The title of the fourthe salm. `To the victorie in orguns; the salm of Dauid.
Whanne Y inwardli clepid, God of my riytwisnesse herde me; in tribulacioun thou hast alargid to me.
Haue thou mercy on me; and here thou my preier. Sones of men, hou long ben ye of heuy herte? whi louen ye vanite, and seken a leesyng?
And wite ye, that the Lord hath maad merueilous his hooli man; the Lord schal here me, whanne Y schal crye to hym.
Be ye wrothe, and nyle ye do synne; `and for tho thingis whiche ye seien in youre hertis and in youre beddis, be ye compunct.
Sacrifie ye `the sacrifice of riytfulnesse, and hope ye in the Lord; many seien, Who schewide goodis to vs?
Lord, the liyt of thi cheer is markid on vs; thou hast youe gladnesse in myn herte.
Thei ben multiplied of the fruit of whete, and of wyn; and of her oile.
In pees in the same thing; Y schal slepe, and take reste.
For thou, Lord; hast set me syngulerli in hope.