Psalm 29 - The Voice of the LORD
A thundering storm psalm celebrating the power and majesty of God's voice.
Psalm 29 calls the mighty to give the LORD glory and strength, part of the wider praise gathered in this Psalms overview, then pictures His voice as a thunderstorm rolling over the waters. The phrase "the voice of the LORD" repeats through the chapter as it breaks the cedars of Lebanon and shakes the wilderness of Kadesh.
The title of the nyne and twentithe salm. The salm of song, for the halewyng of the hows of Dauid.
Lord, Y schal enhaunse thee, for thou hast vp take me; and thou delitidist not myn enemyes on me.
Mi Lord God, Y criede to thee; and thou madist me hool.
Lord, thou leddist out my soule fro helle; thou sauedist me fro hem that goen doun into the lake.
Ye seyntis of the Lord, synge to the Lord; and knowleche ye to the mynde of his hoolynesse.
For ire is in his indignacioun; and lijf is in his wille. Wepyng schal dwelle at euentid; and gladnesse at the morewtid.
Forsothe Y seide in my plentee; Y schal not be moued with outen ende.
Lord, in thi wille; thou hast youe vertu to my fairnesse. Thou turnedist awei thi face fro me; and Y am maad disturblid.
Lord, Y schal crye to thee; and Y schal preye to my God.
What profit is in my blood; while Y go doun in to corrupcioun? Whether dust schal knouleche to thee; ethir schal telle thi treuthe?
The Lord herde, and hadde merci on me; the Lord is maad myn helpere.
Thou hast turned my weilyng in to ioye to me; thou hast to-rent my sak, and hast cumpassid me with gladnesse.
That my glorie synge to thee, and Y be not compunct; my Lord God, Y schal knouleche to thee with outen ende.