Psalms 19: Creation and the Perfect Law
Two witnesses to God, the skies above and His written word.
Following the battle imagery of Psalms 18, this chapter opens with the heavens declaring God's glory without speech or language, day after day, night after night, using the sun's daily circuit as a picture of that silent testimony.
The title of the nyntenthe salm. To victorie, the salm of Dauid.
The Lord here thee in the dai of tribulacioun; the name of God of Jacob defende thee.
Sende he helpe to thee fro the hooli place; and fro Syon defende he thee.
Be he myndeful of al thi sacrifice; and thi brent sacrifice be maad fat.
Yyue he to thee aftir thin herte; and conferme he al thi counsel.
We schulen be glad in thin helthe; and we schulen be magnyfied in the name of oure God.
The Lord fille alle thin axyngis; nowe Y haue knowe, that the Lord hath maad saaf his crist. He schal here hym fro his hooly heuene; the helthe of his riyt hond is in poweris.
Thes in charis, and these in horsis; but we schulen inwardli clepe in the name of oure Lord God.
Thei ben boundun, and felden doun; but we han rise, and ben reisid.
Lord, make thou saaf the kyng; and here thou vs in the dai in which we inwardli clepen thee.