Psalms 15: The Character That Dwells with God
A short checklist of what it means to walk uprightly.
Following the hope expressed at the end of Psalms 14, this chapter opens with a direct question: who may abide in God's tabernacle and dwell on His holy hill? The rest of the psalm answers with a concise list of honest, upright conduct.
The title of the fiuetenthe salm. `Of the meke and symple, the salm of Dauid. Lord, kepe thou me, for Y haue hopid in thee;
Y seide to the Lord, Thou art my God, for thou hast no nede of my goodis.
To the seyntis that ben in the lond of hym; he made wondurful alle my willis in hem.
The sikenessis of hem ben multiplied; aftirward thei hastiden. I schal not gadire togidere the conuenticulis, `ethir litle couentis, of hem of bloodis; and Y schal not be myndeful of her names bi my lippis.
The Lord is part of myn eritage, and of my passion; thou art, that schalt restore myn eritage to me.
Coordis felden to me in ful clere thingis; for myn eritage is ful cleer to me.
I schal blesse the Lord, that yaf vndurstondyng to me; ferthermore and my reynes blameden me `til to nyyt.
I purueide euere the Lord in my siyt; for he is on the riythalf to me, that Y be not moued.
For this thing myn herte was glad, and my tunge ioyede fulli; ferthermore and my fleisch schal reste in hope.
For thou schalt not forsake my soule in helle; nether thou schalt yyue thin hooli to se corrupcioun. Thou hast maad knowun to me the weies of lijf; thou schalt fille me of gladnesse with thi cheer; delityngis ben in thi riythalf `til in to the ende.