Psalm 146 – Praise the LORD, O My Soul
A call to trust God alone, who helps the oppressed, the hungry, and the fatherless.
Psalm 146 opens the final five psalms of praise, following Psalms 145. The psalmist resolves to praise the LORD for life, warning against trusting in princes whose plans perish with their breath.
The `title of the hundrid and sixe and fourtithe salm. Alleluya. Herie ye the Lord, for the salm is good; heriyng be myrie, and fair to oure God.
The Lord schal bilde Jerusalem; and schal gadere togidere the scateryngis of Israel.
Which Lord makith hool men contrit in herte; and byndith togidere the sorewes of hem.
Which noumbrith the multitude of sterris; and clepith names to alle tho.
Oure Lord is greet, and his vertu is greet; and of his wisdom is no noumbre.
The Lord takith vp mylde men; forsothe he makith low synneris `til to the erthe.
Bifore synge ye to the Lord in knoulechyng; seye ye salm to oure God in an harpe.
Which hilith heuene with cloudis; and makith redi reyn to the erthe. Which bryngith forth hei in hillis; and eerbe to the seruice of men.
Which yyueth mete to her werk beestis; and to the briddys of crowis clepinge hym.
He schal not haue wille in the strengthe of an hors; nether it schal be wel plesaunt to hym in the leggis of a man.