Psalms 114 – The Earth Trembles at the Exodus
A vivid, compact retelling of the Red Sea and Jordan parting before Israel.
Following the temple praise of Psalms 113, this short psalm turns to history, picturing the sea fleeing and the Jordan driven back when Israel came out of Egypt.
The titil of the hundrid and fourtenthe salm. Alleluia. I louede `the Lord; for the Lord schal here the vois of my preier.
For he bowide doun his eere to me; and Y schal inwardli clepe in my daies.
The sorewis of deth cumpassiden me; and the perelis of helle founden me.
I foond tribulacioun and sorewe; and Y clepide inwardli the name of the Lord. Thou, Lord, delyuere my soule;
the Lord is merciful, and iust; and oure God doith merci.
And the Lord kepith litle children; Y was mekid, and he delyuerede me.
Mi soule, turne thou in to thi reste; for the Lord hath do wel to thee.
For he hath delyuered my soule fro deth; myn iyen fro wepingis, my feet fro fallyng doun.
I schal plese the Lord; in the cuntrei of hem that lyuen.