Psalm 100 - A Joyful Noise of Thanksgiving
Five verses of pure thanksgiving, among the most quoted in the Psalter.
Psalm 100 opens in Psalms 100:1 with the famous call to 'make a joyful noise unto the LORD, all ye lands,' one of the shortest and best-known entries in the Psalms overview.
The titil of the hundrid salm. `The salm of Dauid. Lord, Y schal synge to thee; merci and doom.
I schal synge, and Y schal vndurstonde in a weie with out wem; whanne thou schalt come to me. I yede perfitli in the innocence of myn herte; in the myddil of myn hous.
I settide not forth bifore myn iyen an vniust thing; Y hatide hem that maden trespassyngis.
A schrewide herte cleuede not to me; Y knewe not a wickid man bowynge awei fro me.
I pursuede hym; that bacbitide priueli his neiybore. With the proude iye and an herte vnable to be fillid; Y eet not with this.
Myn iyen weren to the feithful men of erthe, that thei sitte with me; he that yede in a weie with out wem, mynystride to me.
He that doith pride, schal not dwelle in the myddil of myn hous; he that spekith wickid thingis, seruede not in the siyt of myn iyen.
In the morutid Y killide alle the synners of erthe; that Y schulde leese fro the citee of the Lord alle men worchynge wickidnesse.