Psalms 10: A Cry Against the Proud Oppressor
A raw question about why God seems distant from suffering.
This chapter continues directly from Psalms 9, opening with the question of why the LORD stands far off while the wicked in their pride hunt down the poor like a lion stalking prey. It describes the oppressor's boasting and denial that God even notices.
The title of the tenthe salm. To the victorie of Dauid.
I triste in the Lord; hou seien ye to my soule, Passe thou ouere in to an hil, as a sparowe doith?
For lo! synneris han bent a bouwe; thei han maad redi her arowis in an arowe caas; `for to schete in derknesse riytful men in herte.
For thei han distryed, whom thou hast maad perfit; but what dide the riytful man?
The Lord is in his hooli temple; he is Lord, his seete is in heuene. Hise iyen biholden on a pore man; hise iyelidis axen the sones of men.
The Lord axith a iust man, and vnfeithful man; but he, that loueth wickidnesse, hatith his soule.
He schal reyne snaris on `synful men; fier, brymston, and the spirit of tempestis ben the part of the cuppe of hem.
For the Lord is riytful, and louede riytfulnessis; his cheer siy equite, `ethir euennesse.